Ел коды: Ту, Елтаңба, Әнұран

Миллиондаған адамдарды не біріктіреді? Ол – тарих, ортақ құндылықтар және Қазақстанның әрбір азаматы білетін мемлекеттік рәміздер.

4 маусым – Қазақстан Республикасының Мемлекеттік рәміздер күніне орай аудан кітапханаларында Мемлекеттік Ту, Елтаңба және Әнұранға арналған іс-шаралар өткізілді.

Қатысушылар мемлекеттік рәміздердің тарихымен танысып, викториналарға, зияткерлік ойындарға және тақырыптық бағдарламаларға қатысты.

Мерекелік бағдарлама аясында «Менің Туым» акциясы ұйымдастырылды. «Ту сіз үшін нені білдіреді?» деген сұраққа жауап берген балалар бейбітшілік, тәуелсіздік, бірлік және Отанға деген сүйіспеншілік туралы ойларымен бөлісті. Олардың жауаптары өз еліне және оның рәміздеріне деген құрметтің бала кезден қалыптасатынын көрсетті.

Осындай іс-шаралар мемлекеттік рәміздерді насихаттауға, өскелең ұрпақтың өз еліне, оның тарихы мен жетістіктеріне деген мақтаныш сезімін тәрбиелеуге ықпал етеді.